Edibane.com Edebiyat Ders Notları ve Edebiyat Dünyasından Haberler, Edebiyatın Kısayolu
Fâ’ilâtün / Fâ’ilâtün / Fâ’ilâtün / Fâ’ilün
Kıl sabâ gönlüm perişan olduğın canana arz
Sûret-i hâlin bu viran mülkün it sultâna arz
Derhem olmış sünbülün gûyâ ki kılmışdür ana
Mû-be-mû hâl-i dilüm diller uzadup şâne arz
Tende cânum bir perinündür emânet sahlaram
Ol zemândan kim emânet kıldılar insana arz
Halk küfr ehline îmân arz ider men dem-be-dem
Küfr-i zülfün eylerem göğsümdeki îmâna arz
Sûret-i bî-cân ile cennet dolar büt-hâne tek
Kılsalar cennetde tasvîrün çeküp gılmâna arz
Mün’imün arz-ı tecemmüldür işi fakr ehline
Nola ger dil kılsa her dem derd-i ışkun cana arz
Ey Fuzûlî beyle pinhan dutma eşk-i âlüni
Eyle her reng ile kim var ol gül-i handana arz
