Azîmet eyleyip mülk-i ademden
Geldim bu ‘âleme bî-çâre düşdüm
Taallüm edip her esmâyı Âdemden
Meâlin fehm edip esrâra düşdüm
Erenler bezmine aldılar beni
Küşâd oldu anda gönül revzeni
Geçince boynuma ‘aşkın reseni
Meydân-ı erkânda ikrâra düşdüm
Kurbân oldum o meydâna girince
Hayyü’l-ebed buldum ikrâr verince
Kemâlî gûşuma telkîn erince
Hacı Bektâş Velî hünkâra düşdüm
Âşık Kemâlî
Kemâlî. Divançe. Millî Kütüphane, Yazmalar Koleksiyonu, No. 06 mil yz A 7660, vr. 22a.