Terk-i dünyâ kılmaz âdem zevk(u) safâyı var iken
Dehr-i zenden el çekilmez çok vefâyı var iken
Gerdiş-i gerdûn-i zen çarha virmez şehvetün
Er olan bel virmez ana son cefâyı var iken
Hakkına eyler tevekkül âkıl olan dâimâ
Tevbe gibi yok günâha bin şifâyı var iken
Hoş bahtdır kılmak müheyyâ dâr-ı ukbâda yerin
Âdemin rûy-i cihânda sağ kafâyı var iken
Şöyle bil kim dü cihânda Benli Ali gam yemez
Âlemün fahrı Muhammed Mustafâ’yı var iken
Benli Ali