Yâ Rab beni ol dilber-i ra’nâdan ayırma
Bir lahza ser-i kûy-ı dil-ârâdan ayırma
Ben bülbül-i âteş dem-i nâlendesi oldum
Lutf u kerem it ol gül-i zîbâdan ayırma
Zencîr-i cünûn oldı bana halka-i zülfi
Bu Kays-ı dili gayrı o Leylâ’dan ayırma
Gîsû-yı semen-bûsına koma beni hasret
Rahm eyle bana zülf-i semen-sâdan ayırma
Yâ Rab bu Harâbî kuluna merhamet eyle
Bir lahza dil-i zârı bu sevdâdan ayırma
Harâbî
Üçüncü, Kemal (2002). Edib Harabi Divanı: İnceleme-Metin. Doktora Tezi. Elazığ: Fırat Üniversitesi. 189.